Ndonjëherë edhe thjesht të mendoni për hapjen e gojës…ju hapet goja! Dhe nëse personit ngjitur me ju i hapet goja…pas pak do t’ju hapet edhe juve! Me gjithë këto që kam shkruar për hapjen e gojës me siguri ju ka ndodhur edhe juve!
‘ Hapja e gojës është një sjellje instinktive. Nuk duhet ta mësoni për ta bërë, madje është prezente që përpara lindjes’,- thotë Robert Provine, një profesor psikologjie dhe neuroshkence në Universitetin e Maryland të Kontesë së Baltimorës.
A është i vërtetë miti se hapja e gojës është ngjitëse?
“Kur një personi në një grup i hapet goja, të paktën gjysmës së grupit do i ndodhë e njëjta gjë brenda 5 minutave dhe gjysma tjetër do jetë e tunduar për ta bërë,” thotë Provine i cili e ka studiuar këtë fenomen për rreth 20 vjet. ‘ Është e habitshme sesi edhe virtualisht, çdo gjë që ka të bëjë me hapjen e gojës shkakton një reaksion zinxhir’
Provine shpjegon se ndërkohë që hapja e gojës është një veprim shumë ngjitës edhe sjellje të tjera të njerëzve mund të jenë ngjitëse si për shembull e qeshura. Ai shton se është një reagim normal dhe shumë primitiv. “ Kur ju shihni dikë t’i hapet goja, nuk mendoni ‘tani do ta hap edhe unë ’ thjesht ndodh dhe është një veprim instiktiv, primitiv që vjen që nga mentaliteti i njerëzve të lashtë të cilët jetonin në tufa.kohaislame
