Prodhimi vendas i energjisë u rrit me 8.2 për qind në gjashtëmujorin e parë të vitit falë ecurisë pozitive nga hidrocentralet private.
Instituti i Statistikave raportoi se rritja e prodhimit ka bërë të mundur që Shqipëria të kthehet në eksportues neto i energjisë elektrike, duke eksportuar dy herë më shumë energji nga sa ka importuar.
Por veç prodhimit, sistemi energjitik ka shënuar përmirësim edhe në treguesit e tjerë.
Humbjet në rrjet u ulën me 11.1 për qind, një tregues ky që sipas INSTAT i dedikohet tërësisht përmirësimit në administrimin e Operatorit të Shpërndarjes, ndërsa humbjet në rrjetin e transmetimit u rritën lehtë.
