Kompania për prodhimin e kompjuterëve IBM ka arritur marrëveshje që ta blejë kompaninë softuerike cloud Red Hat për 34 miliardë dollarë dhe IBM do të paguajë 190 dollarë për aksion.
Red Hat do të vazhdojë të udhëhiqet nga ekipi aktual i menaxhimit.
“Blerja e Red Hat është një ndërrues i lojës që ndryshon gjithçka në lidhje me tregun e cloud. IBM do të bëhet ofruesi numër një në botë për teknologjinë cloud”, tha Ginni Rometty, kryeshef ekzekutiv i IBM.
Sipas një njoftimi,IBM dhe Red Hat do të ndihmojnë klientët të krijojnë aplikacione për biznesin, të mundësojnë transfer dhe siguri më të madhe të të dhënave.
