Gjykatat do të duhej të jenë vendi ku flet vetëm e drejta, por shpesh ndodhë që në vend të së drejtës edhe aty triumfon interesi. Këtë fakt e pranon edhe kryetari i Këshillit Gjyqësor të Kosovës, Enver Peci, i cili thotë se “fatkeqësisht ndaj korrupsionit nuk janë imunë as gjyqtarët e Kosovës”.
Shpresa e kreut të gjyqësisë së Kosovës është në krijimin e Gjykatës së Apelit, e cila pritet të zvogëlojë edhe mundësinë e ndikimeve të shkallës së parë në marrjen e vendimeve të shkallës së dytë.
“Po bëhet reforma, që me i ik ndikimit të afërsisë dhe ndikimeve fqinjësore, shoqërore që janë, e që duhet me pranu edhe na kosovarët, që janë shprehi e një populli”, thotë Peci për KTV.
Në pallatin e ri të drejtësisë ende nuk kanë përfunduar punët kurse reformimi i sistemit të drejtësisë është plan i kryer dhe duhet të nisë menjëherë në janar të vitit 2013.kohaislame
