Maurice,gjeli i cili këndon në orën gjashtë të mëngjesit në ishullin francez d’Olderon, po i pengon dikujt.
Ndonëse ai bënë punën e vet pa problem duke kënduar me kulmin e zërit, disa turistë të cilët kanë blerë nga fqinjët një shtëpi pushimi dhe kërkojnë të flenë pa u zgjuar nga kënga e Maurice.
Pronarja e gjelit Corinne Fesseau ka thënë se turistët i kanë kërkuar ta heq gjelin.
“Ata më pyetën a mund ta dhuroj gjelin diku larg. Unë iu thash me mirësjellje se nuk mund ta bëjë këtë gjë dhe se do ta mbaj gjelin. Ata le të shkojnë për pushime diku gjetkë”, ka thënë ajo, transmeton DW.
Pronarët e shtëpisë së pushimit ndërmjet telefonatave, letrave bëjnë presion pa pushim.
Kështu ata kanë shtyre ekspertët që ta konfirmojë këngën e gjelit që sipas tyre është e padurueshme.
“Tri ditë njëra pas tjetrës eksperti e ka incizuar zërin e Maurice. Raporti i ekspertit për gjelin është një punë profesionale zyre, i cili përshkruan kështu: ‘ Futemi sërish në dhomën e gjumit të klientit dhe hapim dritaren. Në orën 6:41 gjeli fillon të këndoj, asgjë më shumë”, ka thënë pronarja e gjelit duke lexuar raportin që ia kishte dërguar eksperti, përcjell Telegrafi.
Turistët duan ta bëjnë gjelin të heshtë me gjyq, dhe ankohen për të.
Christophe Sueur, kryetar bashkie i Saint-Pierre d’Olderon, thotë se gjithnjë e më shumë njerëz nga qyteti që kanë një banesë të dytë në ishullin d’Olderon ankohen për zakonet e njerëzve të fshatit.
“Qe 3-4 vjet po bëhet gjithnjë e më keq. Mua më vin letra me ankesa pa fund. Njerëzit shkruajnë se kambanat janë të zhurmshme. Numërojnë sa herë ka rënë kambana dhe sa sekonda gjatë natës. Unë kam marr madje një ankesë se porti ynë bije shumë erë peshk. Ajo që më shqetëson mua është mendimi pas ankesave. Këta njerëz duan ta ndryshojnë jetën tonë”, ka thënë ai.
Por, ata nuk mund ta ndryshojnë pronaren e gjelit Maurice. Ajo ka krijuar një shoqatë në mbrojtje të Maurice. Së bashku me banorët e ishullit ajo shet bluza për të nxjerr parat për procesin gjyqësor. Gjeli simboli i Francës duhet të këndoj.
Edhe banorët tjerë thonë se mënyra se si po merren ata është e trishtueshme. Ata thonë që nuk duan që në fshatin e tyre të kenë njerëz të tille, dhe kërkojnë që të rrinë në qytet.
“Kam dëgjuar që pronar të tjerë gjelash janë dorëzuar. I kanë ther gjelat, të njëjtën gjë kanë bërë me lopët. Mua më pengon kjo gjë dhe dua ë tregoj që në Francë vazhdon jeta e fshatit dhe vazhdon të jetë këtu”, ka thënë Corine, pronarja e gjelit.
Mirëpo gjykata i ka dhënë të dtrejt Corinës si pronare e gjelit, ndërsa apeluesit janë duke shikuar nëse mund të rrëzojnë këtë vendim.
