Një nga djemtë e diktatorit të ndjerë libian Muammar Gaddafi, Saif al Islam, i cili mbahet i burgosur në Libi, ka deklaruar se dëshiron të gjykohet në Holandë.
Ai akuzohet për krime lufte dhe është shprehur i bindur se gjykimi i tij në atdhe do të ishte i barabartë me dënimin me vdekje.
Në një dokument të prezantuar nga avokatët e tij në Gjykatën Ndërkombëtare Penale të Hagës, Saif Al Islam ka deklaruar:
“Nuk do të ketë drejtësi në rast se proçedimi im penal bëhet i bazuar në prova të nxjerra përmes torturave”.
Ndërkohë, nënkryetari i gjykatës së Hagës, Cuno Tarfusser ka reaguar ndaj kërkesës në fjalë të bërë nga i biri i diktatorit.
“Gjykata Ndërkombëtare Penale do të vendosë brenda shtatorit në lidhje me gjykimin e Saif al Islam Gaddafi”, ka deklaruar Tarfusser.
Ai ka shtuar se, autoritetet e reja libiane kanë marrë përsipër juridiksionin e çështjes, ndërsa Haga duhet të vendosë nëse Libia është në gjendje të garantojë një proçes të drejtë.kohaislame
