Burri i 50-vjeçares së vrarë një ditë më parë në mënyrë makabre nga nipi dhe dy shokët e tij, ka deklaruar se do të kërkojë drejtësi, ndonëse bëhet fjalë për një pjesëtar të familjes.
Ahir Saliaj ka rrëfyer gjithashtu momentin se si është vendosur në dijeni për vdekjen e së shoqes. Ai është shprehur për mediat se lajmi i është komunikuar nga vëllai, pasi ndodhej në Greqi.
Drita Saliaj u vra pas një grabitjeje në banesë. Trupi i saj u gjend mbrëmjen e djeshme në një rezervuar në fshatin Gjerbës, Mallakastër.
Prononcimi për mediat i burrit të viktimës
Është një vrasje makabër. Unë jam burri.
Si e mësuat ngjarjen?
Isha në Kretë të Greqisë, e marr në telefon dhe nuk hapte telefonin. Pasi njoftoj vëllanë e madh që kishte ardhur me policinë në 01:00 të natës, ai më njoftoi në mëngjes.
Iknit shpesh në Greqi?
Në nëntor kam shkuar në Greqi.
U kishte shprehur Drita më parë ndonjë shqetësim?
Jo, kurrë. E kisha lënë shumë herë vetëm
Si u njoftuan?
Na thanë se dera është mbyllur, kur e hapën dhe gjetën shtëpinë të kthyer ashtu, thashë dicka ka ndodhur.
Njëri është nipi prej autorëve, a do të kërkoni drejtësi?
Patjetër që do të kërkoj drejtësi, edhe fëmija po të ishte, duhet të ndëshkohet.
Keni kontaktuar me familjarët e nipit?
Jo, jo, absolutisht! Nuk kam kontaktuar.
