Ekspertiza mjeko-ligjore ka konfirmuar dyshimet se 16 vjeçari, Klejdi Gjeta, që humbi jetën natën e ndërrimit të viteve, është qëlluar nga një plumb.
Policia ka zbardhur ekspertizën mjeko-ligjore për 16-vjeçarin, që kishte hipur në tarracën e shtëpisë për të hedhur fishekzjarrë, por vetëm disa minuta më pas familjarët e tij e kanë gjetur të pajetë.
Fillimisht u dyshua se adoleshenti kishte humbur jetën për shkak të goditjes nga fishekzjarrët, por më pas ka rezultuar se ka marrë një goditje me plumb në kokë.
Nga ekspertiza mjeko-ligjore rezulton se mjekët kanë gjetur një plumb në kokën e 16-vjeçarit.
