PODGORICË – Zëvendëskryeministri dhe Ministri i Jashtëm i Kosovës, Hashim Thaçi më 15 dhe 16 janar do të qëndroj për vizitë zyrtare në Mal të Zi.
Ai do të mbërrijë në Podgoricë më 15 janar si i ftuar i Ministrit të Jashtëm malazez të Igor Lukshiç, dhe do të takohet edhe me presidentin Filip Vujanoviç, kryeministrin Milo Gjukanoviç dhe kryetarin e parlamentit Ranko Krivokapiç. Thaçi një ditë më vonë do të vizitoj Ulqinin, ku ai do të bisedojë me kryetarin e komunës Fatmir Gjeka.
Me rastin e mbërritjes së Thaçit në Mal të Zi, tri shoqata kanë njoftuar një protestë paqësore më 16 janar, përballë vilës “Gorica”. Lidhja e shoqatave të zhvendosurve në Mal të Zi, shoqata e malazezëve të Metohisë dhe shoqata e familjeve të rrëmbyerve, të zhdukurve dhe të vrarëve në Kosovë dhe Metohi “Bozhur” kanë ftuar anëtarët e tyre në proteste me rastin e ardhjes së Thaçit në Podgoricë.
Gjithashtu, në rrjetin social Facebook, është formuar një grup “proteste kundër ardhjes së Hashim Thaçi në Mal të Zi”, të cilës iu bashkuan qindra anëtarë.
