Pyetje: A lejohet vetëvrasja në islam!?
Përgjigje: Vetëvrasja është prej gjynaheve të mëdha, dhe pamarrë parasysh mënyrën apo shkakun për të cilin ajo bëhet është i ndaluar veprimi i saj në islam.
Allahu,- xhele veala!,- ka thënë:
وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّـهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا ﴿٩٣﴾
”Kushdo që mbyt një besimtar me qëllim, ndëshkimi i tij është xhehennemi, në të cilin do të qëndrojë përgjithmonë. Dhe Allahu është pezmatuar në të; e ka mallkuar dhe i ka përgatitur dënim të madh”. ( Kur’an; Nisa: 93).
Muhamedi,- salallahu alejhi ve selem!,- ka thënë: ”Kush e vret veten me diçka, do të torturohet me të në zjarrin e Xhehenemit ku dhe do të mbetet përgjithmonë”.
Njëra nga shkaqet kryesore e cila dërgon njeriun të bëjë vetëvrasje është paaftësia e tij për t’i përballuar problemet dhe sprovat e kësaj dynjaje.
Ky njeri mendon se duke i dhënë fund jetës, do t’i japë fund problemeve të tija, gjë e cila nuk qëndron aspak me realitetin, sepse ai me këtë veprim nuk fiton asgjë pos që kalon nga shiu në breshër.
Nëse njeriu do të tregohej durimtar nuk do të vonohej momenti kur ndihma e Allahut,- xhele veala!,- do të vijë dhe problemet do të largohen, sepse është e pamundur që jeta e njeriut të vazhdojë tërë kohë njëjtë (qoftë lumturia ose mërzija).
Allahu është më i Dituri!
Muhamed bin Salih El-Uthejmin, -Allahu e mëshiroftë!-.
Përktheu dhe përshtati nga arabishtja: Suad Shabani
