Gjuha është një organ i ndërtuar nga muskujt skeletor i vendosur në pjesën bazale të gojës, e që si funksion ka manipulimin e ushqimit dhe përtypjes së tij. Ajo është organi kryesor i shijes . Pjesa më e madhe e të sipërfaqes së sipërme e cila shërben edhe për të folur edhe për të shijuar është e mbuluar me papilla dhe ndihmon për dallimin e shijes. Të folurit mundësohet nga lëvizjet e shumta dhe të larmishme të gjuhës të cilat përmes kalimit të ajrit nga mushkëritë dhe fyti ndihmojnë në formimin e tingujve të fjalës. Ajo është e ndjeshme dhe mbahet e lagur nga pështyma , dhe është mjaft e furnizuar me nerva dhe enë të gjakut .
