Në fjalimin e tij kur e fitoi çmimin Oscar, Gary Oldman pati një mesazh dhe falënderim të veçantë për nënën e tij, Kathleen.
Dhe pas këtij suksesi të madh dhe angazhimeve për promovimin e filmit, aktori më në fund është ribashkuar me nënën e tij 98 vjeçare.
(Foto: FlyNet)
Ylli i “Darkest Hour” dhe gruaja e tij, Gisele Schmidt, janë fotografuar në Los Angeles së bashku me nënën e aktorit.
Familja e 59-vjeçarit dukej e thjeshtë teksa ecnin dhe bisedonin së bashku, ndërsa edhe gruaja e Oldman – shkrimtarja dhe kuratorja artistike, Gisele, dukej shumë e afërt me nënën e tij.
(Foto: FlyNet)
Kathleen jeton me Garyn dhe Giselen në një banesë të madhe në Los Angeles.
(Foto: Getty Images)
Aktori anglez fitoi çmimin për ‘Aktorin më të mirë në rol kryesor’ për portretizimin e Winston Churchillit në filmin “Darkest Hour”.
Oldman ishte mjaft emocional në fjalimin e tij, në të cilin nuk harroi ta përmendte nënën e tij.
“Ajo do të mbushë 99 vjet në ditëlindjen e ardhshme. Dhe është duke na shikuar nga komoditeti i divanit të saj. I them nënës time, faleminderit për dashurinë dhe mbështetjen. Vendose kazanin se po e sjell Oscarin në shtëpi”, ishin fjalët e aktorit.
