Furça me të cilën i krihni çdo ditë flokët përmban më së shumti baktere, pastaj vijon lavamani, dhe pastaj tasi i qenit.
Shkencëtarët nga Universiteti në Arizonë kanë analizuar 30 furça, të cilat janë në pronësi të femrave në moshën prej 16 deri 24-vjeçare.
Mesatarja e baktereve të cilat shkencëtarët i kanë gjetur në çdo 5 centimetra në furça, është 3.409. Lavamani mesatarisht përmban 2.733, ndërsa tasi i qenit 2.110 baktere.
Furça përmban qime, lëkurën e vdekur të kokës dhe kimikatet e produkteve për stylingun e flokëve, çka krijon kushte ideale për shumimin e baktereve dhe mykut.
Nuk janë të gjitha bakteret të dëmshme, por disa mund të shkaktojnë irritimin e lëkurës, reaksionet alergjike dhe aromë të pakëndshme.
“Numri i baktereve në furça është në të vërtetë i madh, prandaj më së miri do të ishte që furçën ta pastroni të paktën një herë në javë”, përcjell Mirror deklaratën e prof. Alison Southcombe.
Që furça juaj të jetë gjithmonë e pastër, të paktën një herë në javë ndiqni këta hapa të thjeshtë që i rekomandojnë shkencëtarët:
– Furçën zhyteni në tretjen prej ujit, shamponit dhe uthullës;
– Furçën pastaj pastrojeni me një furçë tjetër për të larguar të gjithë pisllëkun;
– Pastrojeni furçën me ujë të nxehtë dhe lëreni që të thahet./koha/kohaislame
