Shoferët e rrezikshëm që shkaktojnë vdekjen e personave të tjerë në mënyrë të papërgjegjshme do të përballen me burgim të përjetshëm për herë të parë në një “goditje” të re ligjore në Britani.
Shoferët të cilët shkaktojnë vdekje për shkak të shpejtësisë, garave rrugë dhe përdorimit të një telefon celular janë në mesin e atyre që mund të përballen me këto dënime më të ashpra. Personat që kanë shkaktuar vdekje nën ndikimin e pijes apo drogës gjithashtu mund tu jepet burgim i përjetshëm në planet e qeverisë britanike, shkruan “The Independent”.
Gjatë propozimeve, ministri britanik i drejtësisë, Sam Gyimah tha se “shoferët vrasës po shkatërrojnë jetët tona. Veprimet e tyre po shkaktojnë dhimbje të pafund për familjet, të cilët duhet të durojnë humbjet e panevojshme tragjike”.
Ministrat shpresojnë se masa e propozuar do të shohë një rritje të dënimeve me të cilat do të përballen shoferët që janë përgjegjës për veprat më të rënda rrugore.
Sipas ligjeve aktuale britanike, ata mund të përballen me një dënim maksimal prej 14 vjetesh.
