Finalet e Eurosongut të mbajtura në Tel Aviv nuk kanë shkuar pa politikë, dhe organizatorët “janë zemëruar” me shfaqjen e flamurit palestinez që ka ndodhur dy herë.
Për herë të parë, kjo ndodhi gjatë performancës së Madonës, e cila mori pjesë në finale si mysafire. Gjatë shfaqjes së këngës “The Future”, dy kërcimtarë iu drejtuan audiencës, një me flamuj palestinez në anën e pasme dhe një tjetër me flamurin e Izraelit.
Pas rreth një ore, grupi Hatari, që përfaqësonte Islandën në konkurs, shpalosi flamurin palestinez dhe mbishkrime palestineze gjatë përcjelljes së rezultateve.
Në fund të konkursit, Bashkimi Evropian i Transmetimeve (EBU) lëshoi një deklaratë që dënonte përdorimin e flamurit palestinez gjatë konkursit.
“Eurosong është një ngjarje jopolitike, e cila është në kundërshtim me rregullat e konkurrencës. Pasojat e këtyre veprimeve do të diskutohen nga komiteti ekzekutiv i konkursit”, tha EBU në një deklaratë. /tesheshi.com/
