Falënderimet dhe lavdërimet i takojnë vetëm Allahut xhele shanuhu, salavatet qofshin mbi të Dërguarin e Tij, Muhamedin salallahu alejhi ue selem, mbi familjen e tij, mbi shokët e tij dhe mbi të gjithë muslimanët që ndjekin rrugën e tij deri në Ditën e Gjykimit.
Në Islam nuk ka festë tjetër përveç festave të dy bajrameve, Bajrami i Ramazanit dhe Kurban Bajrami, dhe çdo festë përveç këtyre dy festave nuk është festë e muslimanëve dhe është një bidat (risi), i cili nuk ka asnjë bazë në Islam dhe në shumë raste është përngjasim me jobesimtarët. Dihet fare mirë se Islami na i ka ndaluar këto dy gjëra: shpikjen e risive në fe dhe përngjasimin me jobesimtarët. Prej festave të shpikura është edhe festa e ditëlindjeve, e cila është përngjasim me jobesimtarët.
Munir Muhamed El Gadban ka thënë: “Festimi i ditëlindjes është i lidhur ngushtë me traditat e të krishterëve. Njerëzit festojnë ditëlindjet e tyre duke ndezur aq qirinj sa vite kanë mbushur (p.sh nëse mbush 12 vjeç, ndez 12 qirinj) dhe nuk ka dyshim se festimi i kësaj dite është përngjasim me të krishterët dhe çifutët, të cilët e kanë shpikur këtë festë.” (Ilejki Ejetuhel Fetatul Muslime f.133)
“Islami na e ka ndaluar si meshkujve ashtu edhe femrave që t’u përngjajmë jobesimtarëve qoftë në adhurim apo në festat e tyre, qoftë në veshjet e veçanta të tyre dhe nuk ka dyshim se ky rregull është një rregull i madhërishëm në Islam. Por shumë muslimanë (me shumë keqardhje) janë duke e festuar ditëlindjen për shkak të injorancës së tyre ndaj Islamit e disa prej tyre janë duke pasuar traditat e jobesimtarëve. Pasimi i këtyre traditave ka qenë shkak i nënçmimit të muslimanëve, i dobësimit të tyre dhe i pushtimit të vendeve të tyre. Allahu xh.sh. thotë: “Allahu nuk e ndryshon gjendjen e një populli përderisa ata nuk e ndryshojnë veten e tyre.” (Er-Rad 11)
Duhet ditur se argumentet e këtij rregulli (mosngjasimi i muslimanëve me jobesimtarët) janë të shumtë në Kuran dhe Sunet. Allahu xh.sh. ka thënë: “Pastaj, Ne të vumë ty në një rrugë të drejtë të fesë, pra ti ndiqe atë e mos ndiq dëshirat e atyre që nuk dinë.” (El Xhathijeh 18)
Transmeton Ibn Abasi, Allahu qoftë i kënaqur me të, se Pejgamberi salallahu alejhi ue selem ka thënë: “Nuk është prej nesh ai i cili vepron traditat e jobesimtarëve.” Taberaniu. Shejh Albani ka thënë se hadithi është hasen, shih Sahih El Xhami 2/102.
(Ediletu Tahrim Halkil-lihje: Muhamed Ismail f.27)
Përktheu: Eroll Nesimi
29.3.2009
