Të veshur me kostume portokalli, një grup me fëmijë janë të kyçur në një kafaz.
Pranë tyre, dikush mban një pishtar në flakë.
Gjithçka duket si rikrijim i skenës horror të ekzekutimit të pilotit jordanez me flakë nga ISIS.
Për fat është thjesht një inskenim nga disa aktivistë, të cilët bëjnë thirrje që krimet e presidentit sirian, Bashar al- Assad të cilësohen si metodat e përdorura e përdorura më herët.
Fëmijët në kafaz mbajnë banera ku lexohet: “Ndaloni vrasjen e fëmjëve”.
Protesta u mbajt në qytetin Douma, pranë Damaskut.
Aktivistët thonë se asgjë nuk po bëhet ndaj presidentit Assad, ndërkohë që ka një angazhim për të luftuar ISIS.
Në dhjetë ditët e para të këtij muaji, 180 persona, mes tyre 55 gra e fëmijë, janë vrarë në Douma nga sulmet ajrore të forcave qeveritare.
Para pak ditësh, në një intervistë të rrallë, Assad tha se forcat qeveritare nuk kanë përdorur bomba- fuçi, e cila është gënjeshtër e kulluar./mapo
