Facebook ka vënë në funksion aplikacionin origjinal për sistemin operativ Android, në të cilin thuhet se do të sjellë një përmirësim dhe dy funksione të reja.
Në versionin e ri, rrjeti social tregon se fotografitë do të shfaqen më shpejt, ndërsa përdoruesit gjithashtu do të mund t’i shpërndajnë mesazhet e tyre edhe në Timeline, Faqe, dhe Grupe, si dhe të dërgojnë mesazhe me zë tek miqtë e tyre.
Shkarkimi i versionit të ri të aplikacionit mund të bëhet direkt nga dyqani virtual i aplikacioneve të Google, Play Store.
Dërgimi i mesazheve me zë nuk është një funksion krejtësisht i ri, pasi që së fundmi Facebook e ka lëshuar këtë risi në aplikacionin e saj, Facebook Messenger./krok/kohaislame
