Presidenti turk, Rexhep Tajip Erdogan tha sot në Stamboll se Izraeli është një shtet okupues, raporton Anadolu.
“Izraeli është një shtet okupues. Policia e tyre aktualisht po qëllon në drejtim të të rinjve dhe fëmijëve në Gaza dhe po kryen terror atje. Me avionët F-16 ata po sulmojnë Gazën. Nga ana tjetër, ata po sulmojnë Palestinën”, tha Erdogan.
Ndërsa duke iu referuar veprimit të Presidentit Trump mbi Jerusalemin, Erdogan tha se është detyrë e udhëheqësve botërorë të bëjnë paqe e jo të krijojnë konflikte.
Duke folur në takimin e Javës së Inovacionit dhe Sipërmarrjes së Asamblesë së Eksportuesve Turq, Erdogan tha se vendimi i Trump mbi Jeruzalemin bie në kundërshtim me të drejtën ndërkombëtare.
“Trump dëshiron të vazhdojë tutje, duke thënë: ‘Unë bëra këtë dhe gjithçka është në rregull’. Udhëheqja me botën nuk është aq e lehtë. Të qenit i fortë nuk ta jep këtë të drejtë”, tha Erdogan.
“Udhëheqësit e vendeve të mëdha kanë për detyrë të bëjnë paqe, e jo të krijojnë konflikte”, shtoi ai.
