“Herët ose vonë, do të jepet llogari për ato foshnja të pafajshme të masakruara në mënyrë çnjerëzore. Llogaria ka për t’u kërkuar patjetër”.
Janë këto fjalët e Kryeministrit turk Rexhep Tajip Erdoan gjatë fjalimit që mbajti në Universitetin e Kajros, në Egjipt.
“Izraeli po realizon çdolloj vepre çnjerëzore për ta kthyer rajonin në një pellg gjaku”, shtoi Kryeministri Erdoan.
Kurse në konferencën e përbashkët të shtypit organizuar pas takimit me Presidentin e Egjiptit Mursi, u vu në dukje se paqja nuk mund të ngrihet mbi gjakun dhe mbi vdekjen.
Kryeministri Erdoan, në lidhje me Sirinë vuri në dukje se Esad është vazhdimisht duke u përpjekur për të fituar kohë dhe tha: “Por me dhunë nuk mund të arrish prosperitetin”.
Edhe Presidenti i Egjiptit Mursi vuri në dukje se Izraeli është një fuqi pushtuese në Palestinë.
“Tashmë vendet e rajonit nuk janë ato të mëparshmet, edhe liderët e rajonit nuk janë ata të vjetrit”, tha Mursi.
