Ministri i Punëve të Jashtme i Emirateve të Bashkuara Arabe, Sheikh Abdullah bin Zayed Al Nahyan, vlerësoi progresin në Kosovë, duke shprehur mbështetjen e mëtutjeshme të shtetit të tij për Republikën e Kosovës.
Kështu ai është shprehur gjatë një bisede telefonike me Ministrin e Punëve të Jashtme të Republikës së Kosovës, Enver Hoxhaj, me të cilin biseduan edhe për thellimin e mëtutjeshëm të marrëdhënieve bilaterale dhe bashkëpunimit ndërmjet dy shteteve.
Nga ana e tij, Hoxhaj e ka njoftuar homologun e Emirateve për fuqizimin e mëtutjeshëm të shtetësisë e subjektivitetit ndërkombëtar, duke e falënderuar për përkrahjen e Emirateve të Bashkuara Arabe për Kosovën.
