Njeriu i dytë më i rëndësishëm në Partinë Demokratike të Kosovës, dhe njëherësh ministri i Drejtësisë, Hajredin Kuçi duket se është para kollapsit financiar.
Ai në formularin e deklarimit të pasurisë ka deklaruar se para të gatshme i ka vetëm 370 para të gatshme, raporton Gazeta Blic. Ndërkohë, ai ka deklaruar se ka obligime shumë të mëdha ndaj bankave. Hiq më pak se katër kredi, që kapin vlerën e më shumë se 24 mijë eurove.
Kuçi edhe pse nuk ka para të gatshme, ai punon hiq më pak se në katër vende pune. Pos si ministër i drejtësisë, Kuçi punon edhe në tri universitete, në dy publike dhe në një privat, raporton gazeta Blic. Ndërkohë, që të hyrat e tij nga këto vende pune brenda vitit janë hiq më pak se 33 mijë euro, pa llogaritur këtu pagën që e merr bashkëshortja e tij.
Kuçi e ka deklarur një shtëpi në Prishtinë në vlerë mbi 160 mijë euro, dhe një shtëpizë, në vlerë mbi 60 mijë euro./expres//kohaislame
