Deputetja e Partisë së Drejtësisë, Labinota Demi, ka thënë se është e drejtë e komunitetit LGBT t’i mbrojë interesat e tyre, pasi kjo edhe u lejohet edhe me Kushtetutën e Kosovës.
Këto komente ajo i ka bërë në emisionin ‘Rrokum Roll’ me Fidan Jupollin në TV Rrokum, duke theksuar se shoqëria jonë nuk është ende gati të përballet me këtë fenomen dhe se si deputete nuk është e gatshme të përfitojë politikisht në kurriz të kauzës së tyre.
Ajo tha se në kushte normale janë gati të bashkëpunojnë me ta në suaza profesionale e pragmatike dhe se munden t’i respektojnë si individë por jo edhe si komunitet. /Rrokum
