Delegacionet e Hamasit dhe Al Fatah, në kuadër të punimeve për krijimin e qeverisë së pajtimit të Palestinës, biseduan në Kajro, Kryeqytetin e Egjiptit.
Anëtari i Byrosë Politike të Hamasit, Husam Bedran, në një deklaratë me shkrim bëri të ditur se delegacionet e Hamasit dhe Al Fatah, duke u takuar në Kajro, diskutuan në lidhje me çështjet e diskutueshme për pajtimin.
Ai theksoi se do të përfundojnë bisedimet për vënien në zbatim të marrëveshjes së nënshkruar më parë, por nuk dha detaje në lidhje me këtë temë.
Bedran e cilësoi pozitive qëndrimin e Hamasit për kompromisin dhe nënvizoi se qeveria palestineze duhet të përmbushë në të njëjtin nivel detyrën në Bregun Perëndimor dhe në Gazë.
Ndërsa nga Lëvizja Al Fatah nuk u bë asnjë marrëveshje në lidhje me takimin.
Delegacionet e Hamasit dhe Al Fatah, në kuadër të negociatave në Kajro, më 12 tetor nënshkruan “Marrëveshjen e Pajtimit” që i jep fund copëtimit në Palestinë.
