Stejt departamenti konsideron se kriza humanitare në Siri është midis më të rëndave në botë. Në konferencë në interent Mark Bartolini, nga Agjencia për ndihmë ndërkombëtare të SHBA-së dhe Dejvid Robinson nga Byroja për probleme për popullatën, refugjatë dhe migracionin pranë Stejt departamentit, njoftuan se në ditët e kaluara mbi 2,5 milionë njerëz në Siri kanë nevojë për ndihmë urgjente.
Prej tyre 1,2 milionë kanë qenë të detyruar që të largohen nga shtëpitë e tyre. Deri tani SHBA-ja ka dërguar për të prekurit në krizën në Siri,numri i të cilëve është rreth 780 mijë persona, afërsisht 82 milionë dollarë në formën e ushqimit dhe të medikamenteve. Një pjesë e madhe e kësaj ndihme është sjellë me ndërmjetësim të KB-së dhe organizatave të tjera humanitare.
Pjesa më e madhe është dërguar në Apelo ku ende zhvillohen luftëra të ashpra midis armatës dhe kryengritësve. “Aty ka mungesë të medikamenteve-antibiotikëve dhe vaksinave, theksuan dy diplomatët. Ndihmë amerikane është çuar edhe për refugjatët sirianë në Liban, Jordani dhe në Turqi. Bartolini dhe Robinson theksuan se sistemi për ndarjen e ndihmës, personat që merren me këtë dhe klinikat në territorin e Sirisi janë shënjestër e sulmeve të vazhdueshme. Ata nuk kanë saktësuar se kush qëndron pas këtyre sulmeve./zhurnal/kohaislame
