Organizata terroriste DAESH, që vazhdon të humbë toka në Siri dhe Irak, vrau një agjent sekret rus.
Organizata terroriste DAESH, që vazhdon të humbë toka në Siri dhe Irak, vrau një agjent sekret rus.
Videoja 12 minuta e gjatë në rusisht ku prihet fyti i agjentit rus u publikua në Ditën e Fitores që Rusia feston me rastin e përfundimit të Luftës së II Botërore.
Në videon e llahtarshme edhe tre robër të tjerë dëgjohet të flasin rusisht.
Organizata terroriste, edhe më parë kishte publikuar video me propagandë të ngjashme, dhe në pamjet në fjalë zinin vend ekzekutimet e ushtarëve rusë.
Udhëheqja e Moskës nuk ka bërë ende një deklaratë në lidhje me pamjet e publikuara.
Ministria e Mbrojtjes së Rusisë më parë kishte deklaruar se në Siri, ku zhvillon operacione që nga shtatori i vitit 2015 janë vrarë rreth 30 ushtarë (rusë).
Rusia, Turqia dhe Irani javën e shkuar nënshkruan marrëveshjen e zonave pa konflikt.
Moska, që mbështet regjimin e Damaskut, në muajin dhjetor kishte bashkëvepruar me Turqinë për evakuimin në Halep.
Organizata terroriste DAESH sot mbahet e rrethuar në Mosull të Irakut dhe në Rakka në qendër të Sirisë.
Kurse Al bab, qendra më e madhe e organizatës terroriste në perëndim të vendit, u mor nga kjo organizatë në 23 shkurt 2017 me operacionin e Turqisë, ‘Mburoja e Eufratit”.
Vitin e kaluar DAESH humbi ¼ e territoreve që mbante nën kontroll.
Kurse hapësira territoriale që humbi në Irak që nga viti 2014 është 65%.
Organizata e përgjakshme e pastruar edhe nga qytete si Faluxha e Irakut dhe Sirte e Libisë, nëse humb edhe në Mosull do të bllokohet vetëm në Rakka.
