Një muaj më parë Facebook tha se kishte 2 miliardë përdorues aktivë në muaj. Kjo do të thotë se në çdo moment të caktuar, 25% e popullsisë së tokës qaset në Facebook.
Interneti është zgjeruar kaq shumë saqë është e pakuptimtë të analizosh informacionin mbi baza ditore apo mujore.
Përkundrazi do të ishte më dobishme ti hidhni një sy se çfarë ndodh në internet në vetëm një minutë siç e tregon edhe grafiku i paraqitur më poshtë:
Krijuar nga Lori Lewis dhe Chadd Callahan nga Cumulus Media, grafiku tregon shtrirjen e madhe të shërbimeve e-commerce, rrjeteve sociale, e-mail-it dhe aplikacioneve të tjera.
Në universin e medias sociale nuk ka barriera. Konkurrenca për përmbajtje ka dërguar internetin në një drejtim tjetër. Çdo minutë publikohen 452,200 cicërima, kryhen 900,000 kyçje në Facebook dhe bëhen 3.5 milion kërkim në Google.
Popullsia e botës është sot 7.4 miliard kur 3.7 miliard janë përdorues të internetit dhe 2.7 miliard përdorues aktivë të medias sociale.
Një prej katalizatorëve kryesore të këtij socializimi virtual ka qenë padyshim ekspansion i pajisjeve mobile. 66% e popullsisë së botës ka një numër celular. /PCWorld Albanian/
