Sipas hulumtuesit të tregut IHS iSuppli, Apple është drejt rrugës për të shënuar një numër rekord të shitjeve të iPhone.
Çereku i katërt do të jetë madhështor, tha iSuppli në një shënim hulumtues gjatë ditës së djeshme. “Çereku më i madh i Apple për shitjet e iPhone në histori.”
iPhone 5 do të drejtojë shitjet e smartfonëve të Apple në vitin 2012 në 149 milionë njësi, një ngritje për 60 për qind nga 93 milionë në 2011-të, tha iSuppli.
“Telefoni i ri do të lëshohet vetëm në një javë të mbetur në çerekun e tretë, kështu që shumica e shitjeve të iPhone 5 të përplasura në 2012-tën do të shihen në çerekun e fundit të vitit,” tha iSuppli.
Kjo ngritje është për shkak se një numër i blerësve ka shtyrë blerjen e pajisjes iPhone për të pritur lëshimin e gjeneratës së pestë të kësaj pajisjeje.
“Blerësit largpamës ndalen së bleri gjatë kohës duke shkuar deri te lëshimi i pajisjes së re. Ky fenomen uli shitjet e iPhone në çerekun e dytë të këtij viti,” tha iSuppli.
Ashtu siç u tha, lajmërimi i djeshëm është më i madh se ai i bërë për 4S. “Për dallim nga lëshimi i vitit të kaluar i iPhone 4S, lajmërimi këtë vit të iPhone 5 vjen si një shmangie nga modelet e kaluara,” tha në një deklaratë, një analist i iSuppli, Daniel Gleeson.
Ai vazhdon: “Shtimi i një ekrani të ri, më të madh është një ndryshim thelbësor në dizajnin e produktit. Për më tepër, iPhone 5 është anëtari i parë i linjës së smartfonëve të Apple që ofron lidhshmërinë me evolucion afat gjatë (LTE), duke përshpejtuar shpejtësitë e të dhënave në mënyrë dramatike në krahasim me modelet paraprake. Këto përmirësime madhore do të udhëheqin shitje të shumta për iPhone 5.”
Dhe fakti që iPhone 5 mbështet frekuencën botërore 4G LTE me siguri se do t’i japë një shtytje shtesë. (PC World Albanian)/kohaislame
