Jo vetem te lodhur por edhe te izoluar!
Mungesa e gjumit për shkak të netëve të kaluara duke luajtur me “video-game” po rrit një brez fëmijësh “të lodhur” dhe të izoluar nga shoqëria.
Punonjësit socialë në Britaninë e Madhe janë shprehur të shqetësuar për faktin se fëmijët nuk lidhin shoqëri të reja, por mbyllen në shtëpi duke luajtur të “ngulitur” para televizorit.
“Shumica e fëmijëve duken si të shushatur, sikur kanë marrë drogë. Kjo vjen nga mungesa e gjumit sepse gjithë natën rrinë duke luajtur. Nuk e di nëse këto lojëra janë fiksim për ta apo është një varësi njësoj si droga”, shprehet Paul Bowser për ‘Daily Mail’.
“Video-game është një fenomen që ka dalë vite më parë dhe tashmë ne po ndjejmë efektet tek të rinjtë. Ata nuk kanë më marrëdhënie normale me njerëzit. Gjithçka është bërë virtuale për ta. Madje edhe kur luajnë me shokët qëndrojnë mbyllur në shtëpi dhe luajnë përmes internetit lojëra të ndryshme”, shton ai.
