Nënpresidenti i Shteteve të Bashkuara, Joe Biden, ka folur në telefon me kryeministrin e Irakut, Nuri al-Maliki, për t’i shprehur mbështetje për përpjekjet e Bagdadit, për të rikthyer kontrollin e qytetit Falluxha.
Shtëpia e Bardhë ka thënë se Biden ka inkurajuar Malikin që të vazhdojë bisedimet me udhëheqësit lokalë, fisnorë dhe kombëtarë.
Të mërkurën, Maliki sërish u ka bërë thirrje luftëtarëve të grupit Shteti Islamik i Irakut dhe Levant që të largohen nga Falluxha ose do të përballen me sulme, e nëse popullata nuk i lufton vet atëherë edhe ata do të përballen me sulmet e ushtrisë dhe milicive shiite.
Tanket mbesin të vendosura përreth Falluxhas, gati për të sulmuar luftëtarët që kanë kapur pjesë të qytetit të banuar me shumicë sunite, javën e kalaur.
