Muzeu i Vlorës është gati për të pritur sot Kabinetin e Ministrave, për mbledhjen e radhës të qeverisë. Të parët që kanë mbërritur në Vlorë ka qenë grupi i sigurisë së Kryeministrisë të cilët së bashku me Policinë e Vlorës krijuan planin e masave të sigurisë.
Mbledhja e sotme do të zhvillohet në katin e dytë të ndërtesës, pikërisht në dhomën e Këshillit të Ministrave, ku kryeministri Sali Berisha do të jetë në vendin e Ismail Qemalit.
Muzeu që prej ditës së sotme deri në përfundim të mbledhjes do qëndrojë i mbyllur për publikun, ndërsa masat e sigurisë në ndërtesë do të jenë të larta.
