Bëhu musliman – dhe mos u bëj jobesimtar.
Bëhu pasues i sunetit (selefi) – dhe mos u bëj shpikës në Fe (bidatxhi).
Bëhu rob i Allahut – dhe mos u bëj rob i shejtanit.
Bëhu njeri që kërkon ndihmë nga Allahu – dhe mos u bëj njeri që kërkon ndihmë nga varrezat dhe xhindet.
Bëhu njeri që ha ushqimet e mira – dhe mos u bëj prej atyre që hanë ushqimet e fëlliqura.
Bëhu i tëri në Islam – dhe mos u bëj paqëndrueshëm.
Bëhu njeri që shpenzon në rrugë të Allahut – dhe mos u bëj njeri koprrac.
Bëhu njeri që rri larg kamatës – dhe mos u bëj njeri që je zhytur në kamatë.
Bëhu njeri që e do vëllanë tënd për hir të Allahut – dhe mos u bëj prej atyre që e do për shkak të epshit dhe gjërave materiale.
Bëhu lexues i Kuranit Fisnik – dhe mos u bëj prej atyre që e kanë braktisur atë. Bëhu modest për Allahun – dhe mos iu nënshtro jomuslimanit.
Bëhu tolerant – dhe mos u bëj i ashpër e i vrazhdë.
Bëhu me xhematin e muslimanëve – dhe mos e kundërshto xhematin e muslimanëve.
Bëhu dijetar ose nxënës – e mos u bëj injorant e mendjemadh nga mësimet.
Bëhu gjuhëlagur duke e përmendur Allahun – dhe mos u bëj gojëfëlliqur.
Bëhu i sinqertë në punët tuaja – e mos bëj vepra për sy e faqe e për nam.
Bëhu fjalëdrejtë – dhe mos u bëj rrenacak.
Bëhu bartës i brengës së Islamit – dhe mos ki brengë vetëm barkun dhe organin.
Bëhu mik i besimtarëve – dhe mos u bëj mik i jobesimtarëve.
Bëhu kumtues i Pejgamberit – dhe mos u bëj heshtës i të vërtetës.
Bëhu zbatues i premtimit – dhe mos u bëj mashtrues e tradhtar.
Bëhu mbështetës tek Allahu – dhe mos u bëj prej atyre që shkojnë tek magjistarët dhe fallxhorët.
Bëhu falënderues për begatitë e Allahut – dhe mos u bëj njeri mohues.
Bëhu njeri që flet fjalë të mira ose hesht – dhe mos u bëj llafazan.
Bëhu njeri që thërret në fe të Allahut me heshtjen tënde – e mos u bëj largues nga Islami me sjelljen tënde.
Bëhu në ndihmë të vëllait tënd – dhe mos u bëj njeri që i bën padrejtësi.
Bëhu njeri që ke zemër të kënaqur – e mos u bëj lakmues dhe lypës.
Bëhu i kujdesshëm ndaj farefisit – dhe mos u bëj shpërfillës ndaj familjes.
Bëhu bamirës ndaj prindërve – dhe mos u bëj keqbërës ndaj tyre.
Bëhu i buzëqeshur për fytyrën e muslimanit – dhe mos u bëj fytyrëzymtë.
Bëhu konfirmues i të mirave – dhe mos u bëj mohues i begative.
Bëhu zemërpastër nga zilia – dhe mos i përbuz dhuntitë e Allahut.
Bëhu krenar çdo herë me Fenë Islame – dhe mos u bëj frikacak e përçmues i vetvetes.
Marrë nga forumi: My Role in Life Përshtati: Bekir HALIMI
