Dy gjigantët e La Ligas dëshirojnë që të arrijnë marrëveshje për shkëmbimin e dy lojtarëve Saul dhe Griezmann.
Barcelona dhe Atletico Madridi janë në bisedime të avancuara për të arritur një marrëveshje për shkëmbimin e mesfushorit Saul dhe sulmuesit Antoinne Griezmann, raporton gazetari i njohur Fabrizio Romano.
Të dy lojtarët kanë dhënë dritën e gjelbër në momentet e fundit, për tu transferuar tek Barcelona, respektivisht Atletico Madridi.
Tani, klubet janë duke negociuar mbi detajet e shumave për Saul dhe Griezmann. Barcelona dëshiron që në marrëveshje të përfshihen edhe para, dhe vetëm kështu të dy klubet mund të arrijnë marrëveshje.
Liverpooli dhe Chelsea po ashtu e dëshirojnë transferimin e Saul, nëse marrëveshja e shkëmbimit mes Barcelonës dhe Atletico Madridit dështon ditëve në vazhdim.
