Lideri i OKB-së, Ban Ki-mun i bëri thirrje Këshillit të Sigurimit të OKB-së që të reduktojë numrin e vëzhguesve të paarmatosur ushtarakë në Siri dhe kërkoi që të bëhet presion për më shumë përpjekje politike, në mënyrë që t’i jepet fund konfliktit në vend.
Ban në një raport të tij, rekomandoi se misioni në Siri me “një komponentë të reduktuar të vëzhguesve ushtarakë” nga qytetet rajonale ku konflikti është përshkallëzuar në javët e fundit, mund të rivendoset kryesisht në Damask.Këshilli i Sigurimit duhet të marrë një vendim se çfarë do të bëjë me misionin e OKB-së në Siri, i njohur si UNSMIS, para 20 korrikut, kur edhe skadon mandati i tij.Këshilli planifikohet të diskutojë çështjen të mërkurën dhe pritet të votojë më 18 korrik./BS/kohaislame
