Të enjten e kësaj jave, Policia e Kosovës arrestoi gjashtë shtetas turq të cilët më pas u deportuan për në Turqi.
Pas kësaj, kryeministri Ramush Haradinaj ka kërkuar lirimin e detyrës së Ministrit të Punëve të Brendshme Flamur Sefaj si dhe lirimin e detyrës së drejtorit të Agjencionit të Inteligjencës në Kosovë, Driton Gashi.
E gjatë ditës së sotme media të ndryshme kanë raportuar se AKR tashmë ka pranuar shkarkimin nga pozita të Ministrit të Brendshëm, Flamur Sefaj, gjë që del të jetë e pavërtetë.
I pari i Mitrovicës nga radhët e AKR-së, Agim Bahtiri ka deklaruar se kjo çështje nuk është e vërtetë dhe se raportimi i sotëm është shpifje.
Madje Bahtiri ka thënë se AKR gjatë ditëve në vazhdim do të marr vendimin përfundimtar për çështjen e Sefajt.
“Nuk është e vërtetë se AKR ka pranuar shkarkimin e ministrit Flamur Sefaj. AKR ditëve në vazhdim do të marrë qëndrim përfundimtar për çështjen e ministrit Flamur Sefaj”, ka thënë Bahtiri.
