Aviacioni i NATO-s dha “gabimisht” goditje mbi aleatët

Një helikopter luftarak i kontingjentit të forcave të NATO-s në Afganistan dha gabimisht goditje mbi pozicionet e ushtrisë afgane në provincën lindore Nangarhar. Si rezultat mbetën të vrarë 4 ushtarë.
Pak kohë para incidentit përfaqësuesit e komandës ushtarake afgane në rajonin në fjalë i kërkuan mbështetje ajrore forcave të NATO-s, pasi një prej postblloqeve të tyre u sulmua nga persona të armatosur. Më pas pikërisht ky postbllok iu nënshtrua goditjes natoviane.
Përfaqësuesit e kontigjentit të Forcës Ndërkombëtare Ndihmëse të Sigurisë në Afganistan, që është nën komandën e NATO-s, po hetojnë incidentin në fjalë.