Pyetja:
Kurani thotë: “Engjëjt dhe Xhibrili ngjiten te Allahu në një ditë të barabartë me 5000 vjet tokësore.” A do të thotë kjo se Allahu po kontrollon çështjet tokësore i ulur në fron? Atëherë si mundet që Allahu është më afër nesh se damarët e qafës?
***
Përgjigjja:
Falenderimi i takon Allahut!
Është vërtetuar në Kuran dhe Sunet dhe me konsensus (ixhma) të selefëve (gjeneratat e hershme) të këtij umeti se Allahu është mbi qiejt e Tij mbi Arshin e Tij (siç i takon Madhërisë së Tij), dhe se Ai është i Lartësuar, Më i Larti. Ai është mbi të gjitha gjërat dhe nuk ka asgjë që është mbi Të. Allahu thotë:
“All-llahu është Ai që krijoi qiejt dhe tokën dhe gjithë ç’ka ndërmjet tyre, brenda gjashtë ditësh, pastaj mbizotëroi Arshin. Përveç Tij nuk keni ndonjë ndihmëtar tjetër e as ndërmjetësues, pra a nuk jeni kah mendoni!” (Sexhde, 4)
“Vërtet Zoti juaj është All-llahu, i cili krijoi qiejt e tokën brenda gjashtë ditësh e pastaj qëndroi mbi Arshin; Ai rregullon gjendjen. Ndërmjetsues nuk do të ketë vetëm po qe se lejon Ai. Ky, Madhëria e Tij është All-llahu, Zoti juaj, pra adhurojeni Atë! A nuk merrni mësim?” (Junus, 3)
“Kush e dëshiron krenarinë (le ta dijë), e tërë krenaria i takon All-llahut (pra le të kërkojë prej Tij), te Ai ngrihet fjala e mirë (besimi) dhe veprimi i mirë, e Ai i pranon. E ata që përgatitin dredhira të këqija, për ata është një dënim i rëndë dhe dredhia e tyre është e zhdukur.” (Fatir, 10)
“A nuk e di ti (o dëgjues) se All-llahu di çka ka në qiej dhe çka ka në tokë?! Nuk bëhet bisedë e fshehtë mes tre vetave e të mos jetë Ai i katërti; e as mes pesë vetave e të mos jetë Ai i gjashti, e as mes më pak vetave dhe as mes më shumë vetave, e të mos jetë Ai me ta, kudo që të jenë. Pastaj, në ditën e kijametit i njofton ata me atë që kanë punuar. All-llahu ka përshirë çdo send në dijen e vet.” (Muxhadele, 7)
Allahu e ka kombinuar përmendjen e qenies së Tij mbi Fronin e Tij me përmendjen e qenies së Tij me të qenit robërit e Tij në një ajet (ajet), ku thotë:
“Ai është që krijoi qiejt dhe tokën vetëm për gjashtë ditë, pastaj mbisundoi Arshin. Ai e di çka futet në tokë dhe çka del prej saj, çka zbret nga qielli dhe çka ngrihet në të, dhe Ai është me ju kudo që të jeni, All-llahu është përcjellës i asaj që punoni.” (Hadid, 4)
Të thuash se Allahu është me ne, nuk do të thotë se Ai është i përzier (ose banon në) krijesat e Tij; përkundrazi Ai është me robërit e Vet me dijen e Tij. Ai është mbi Fronin e Tij dhe Atij nuk i fshihet asgjë nga ajo që ata bëjnë. Për sa i përket ajetit:
“..dhe Ne jemi më afër tij se damari (që rrah) i qafës së tij.” (Kaf, 16)
Shumica e mufesirëve thanë se ajo që synohet është se Ai është afër me anë të engjëjve të Tij, detyra e të cilëve është të regjistrojnë veprat e njerëzve. Dhe ata që thanë se do të thotë se Ai është afër, e shpjeguan se Ai është afër me diturinë e Tij, siç thuhet për mënyrën se si është me ne.
Ky është mendimi i Ehli Sunetit dhe Xhematit (pasuesit e udhëzimit profetik), të cilët pohojnë se Allahu është mbi krijesat e Tij dhe se Ai është gjithashtu me robërit e Tij, dhe ata thonë se Ai është shumë më lart se banimi në Qeniet e krijuara prej tij. Për sa i përket mohimit të të gjitha atributeve hyjnore siç shprehen nga Xhehemijet (një sekt i devijuar) dhe pasuesit e tyre, ata mohojnë se Thelbi i Tij është mbi krijesat e Tij dhe se Ai u ngrit mbi Fronin e Tij, dhe ata thonë se Ai është i pranishëm në Thelbin e Tij kudo.
Lusim Allahun që t’i udhëzojë muslimanët.
Shejh Muhamed Salih El Munexhid
Burimi: islamqa.com
