Personeli dhe murgeshat e rendit “Misionaret e Dashurisë”, e themeluar nga Nënë Tereza, akuzohen së fundi se kanë shitur katër foshnje të sapolindura nga marrëdhëniet jashtëmartesore një çifti pa fëmijë, ngjarje e ndodhur kjo ditët e fundi në shtetin Jharkhand në Indinë lindore.
Por trashëgimtaret e humanistes dhe nobelistes me origjinë shqiptare i hedhin poshtë akuzat dhe shtojnë ndihem shumë të zemëruara prej tyre.
Çështja e shitjes së foshnjave të sapolindura doli në publik të enjten e kaluar, kur policia. pas akuzave dhe dyshimeve për shitjen e një foshnjeje dyjavore, arrestoi një murgeshë dhe një punonjës të një strehimoreje për gratë e pamartuara në Ranchi, kryeqyteti i shtetit indian të Jharkhand-it, e udhëhequr nga Urdhri i “Misionareve të Dashurisë”.
Siç është shprehur drejtori i stacionit të policisë Shyamanand Mandal, policia gjeti prova se “gjatë dy muajve të fundit, çiftit pa fëmijë i ishin shitur katër fëmijë të posalindur”. Ai gjithashtu tha se organizata i kishte shitur tre fëmijë për një shume totale prej 220,000 rupi indian, rreth 2800 euro, ndërsa një pagesë për fëmijën e katërt është ende në pritje
Drejtori i policies, z.Mandali theksoi gjithashtu se gjasat për më shumë raste të shitjes së foshnjave egzistojnë, pasi disa akuza vazhdojnë që nga viti 2015. Ai potencoi për mundësinë që ka raste kur organizata mund të ketë lehtësuar adoptimin e fëmijve në këtë mënyrë. Siç tha ai, edhe kjo mënyrë është akoma një akt i kundraligjshëm, pasi edhe në rastin e adoptimit, është e nevojshme të paraqitet pranë autoriteteve kompetente kërkesa për miratim, e cila sipas tij nuk është bërë nga organizata “Misionaret e Dashurisë”.
Por një zëdhënëse e strehimores refuzoi të gjitha akuzat për shitjen e fëmijëve nga ana e tyre.
Rendi i “Misionareve të Dashurisë”, i vendosur në kryeqytetin e Bengalit Perëndimor në Kalkuta, tha: “Kjo nuk duhet të kishte ndodhur kurrë, është krejtësisht në kundërshtim me bindjen tonë morale. Kjoçqështje do të hulumtohet hollësisht”. Ato gjithashtu njoftuan se nëse akuzat ishin të vërteta, ata do të merrnin masat e duhura.
Rendi i “Misionareve të Dashurisë” ka dhënë fëmijë për adoptim deri në vitin 2015, deri kur India ndryshoi ligjet e adoptimit në këtë vend.
Në vitin 1950, Nëna Tereza themeloi Urdhrin e “Misionareve të Dashurisë” për të ndihmuar banorët më të varfër të qytetit të Kalkutës. Sot, më shumë se 4500 murgesha nga ky Urdhër janë aktive në më shumë se 130 vende të botës. /tesheshi.com/
