Me një mënyrë të veçantë për të bërë bamirësi, një aktor i famshëm nga India ka paguar rreth 500 mijë euro për të shlyer kreditë e 1398 fermerëve.
Aktori i Bollivudit, Amitabh Bachchan, tha se ndihej shumë i përmbushur që kishte arritur të ndihmonte njerëzit në shtetin verior të Utar Pradeshit, ku ka lindur.
Fermerët që hasin probleme me kreditë janë kthyer në dukuri shumë të përhapur në Indi, për shkak të thatësirave të shumta dhe mungesës së modernizimit.
Problemi ka qenë aq i madh sa kohët e fundit është vënë re një rritje e madhe e numrit të vetëvrasjeve mes fermerëve. Që nga viti 1995 janë vetëvrarë 300 mijë fermerë.
Aktori 76-vjeçar është një nga artistët më të njohur në Indi.
