Në një aksident i rëndë komunikacioni ka ndodhur sot rreth orës 05:35 minuta, në rrugën Ferizaj-Shtime, në dalje të fshatit Koshare, ku kanë humbur jetën dy persona.
Sipas Policisë se Kosovës aksidenti ka ndodhur kur ngasësi i veturës “Audi”, A.B. (40 vjeçar), duke mos e përshtatur shpejtësinë e lëvizjes kushteve të rrugës ka humbur kontrollin mbi automjetin dhe kalon në anën e kundërt, duke u përplasur në disa gurë skaj rruge. Me këtë rast vozitësi dhe pasagjeri Y.B. (39 vjeçar), nga lëndimet e pësuara, kanë ndërruar jetë.
Trupat e pajetë të viktimave, me urdhër të Prokurorit janë dërguar në Institutin e mjekësisë ligjore për obduksion.
Sipas Policisë, me rast janë duke u marr hetuesit e Njësitit të trafikut rrugor në bashkëpunim me Prokurorin e Shtetit.
