Katër ushtarë të koalicionit të udhëhequr nga NATO në Afganistan mbetën të vrarë në një sulm të ndodhur mëngjesin e së dielës, raportoi “BBC”.
Në një komunikatë, komanda e NATO-s informoi se ushtarët u vranë nga zjarri armik, ndërsa ishin duke marrë pjesë në një operacion luftarak përkrah forcave vendase të sigurisë, transmeton TCH.
Ndonëse në komunikatë nuk zbulohet kombësia e ushtarëve të vrarë, nga burime të tjera u mësua se ata ishin amerikanë.
Marinsat gjetën vdekjen kur makina e tyre shkeli një minë në një rrugë rurale.
Talebanët janë bërë gjithmonë e më aktivë në vend, ndërsa po afron data e tërheqjes përfundimtare të trupave të koalicionit, në vitin 2014.
