Manovra “Velajet 91” të forcave detare të ushtrisë iraniane në Gjirin Persik dhe prezantimi i superioritetit të Iranit në sektorin ushtarak, synojne të bëhet shkak për përforcimin e kapacitetit diplomatik të Iranit në botë.
Kështu deklaroi z. Ahmed Bakshajesh Ardestani, anëtar i komisionit për politikë të jashtme dhe siguri kombëtare në Parlamentin e Iranit i cili suksesin e manovrave “Velajet 91” të forcave detare e konsideroi dëshmi të fuqisë, unitetit kombëtar dhe gatishmërisë së plotë të Iranit në përballje me çdo kërcënim. Z. Ardestani duke folur mbi sukseset diplomatike të Iranit në lidershipin e rezistencës, theksoi se pretendimet e krerëve të vendeve arabe mbi Bahrejnin, Sirinë dhe tre ishujt iranianë nuk janë gjë tjetër veçse shprehje e dëshirave të Amerikës dhe tha: Mesazhi i manovrave “Velajet 91” është qëndresa e Iranit kundrejt presioneve dhe kërcënimeve në ndjekjen me vendosmëri të qëndrimeve të tij. Edhe pse Irani padrejtesisht ka pushtuar ishujt e Emirateve Arabe, eshte pjesmarres direkt ne terrorin e regjimit te Bashar Asadit kunder popullates siriane, dhe influencon maksimalisht komunitetin shiit kunder qeverise se Bahrejnit.
Vlen të theksohet se manovrat “Velajet 91” kanë nisur ditën e premte dhe do të vazhdojnë për gjashtë ditë në meridianin 18 gradë në veri të oqeanit Indian. Në këto manovra testohet gatishmëria ushtarake e marinarëve dhe pajisjet detare, bregdetare, ajrore dhe raketore.
