Ish-ministrja e Brendshme, Gordana Jankullovska është dërguar në burgun e Idrizovës.
Policia konfirmon se që sot Jankullovska do të vuaj dënimin prej 4 vitesh burg për rastin “Tanku”, i cili ka të bëjë me blerjen e Mercedesit luksoz.
“Personi G.J është dërguar në Burgun e Idrizovës”, thonë shkurt nga MPB.
Drejtori i burgut Aleksandar Donev, për “A1on” tha se sipas shkallës së rrezikshmërisë, do të vendoset se në cilën pjesë do të dërgohet Jankulloska.
Ndryshe, Jankulloska fillimisht u dënua me gjashtë vjet burg, por Gjykata e Apelit ia uli në katër.
