Një udhëheqës mysliman që ishte goditur me thikë brenda xhamisë së Regent’s Park në Londër sot tha se ai ishte me fat që të mbijetonte dhe u zotua: “Asgjë nuk do të më ndalojë të lutem”.
Raafat Maglad, 70 vjeç, një muezin që drejton thirrjen për lutje, u qëllua me thikë në qafë në Xhaminë Qendrore të Londrës gjatë lutjeve rreth orës 03:00 të ditës së enjte.
Pas kësaj, siç raportojnë mediat britanike, rreth 20 xhematlinjë nxituan të ndalonin sulmuesin, derisa të mbërrinte policia dhe shërbimet e urgjencës.
Një i dyshuar, 29 vjeç, sot po merret në pyetje, me dyshime për tentativë vrasjeje.
