Veshi është një ndër pjesët më delikate në trupin e njeriut dhe mund të sjellë probleme të mëdha për shëndetin, prandaj trajtimi që duhet të bëjmë ne kundrejt tij duhet të jetë i kujdesshëm.
Jo të gjitha infeksionet e veshit janë bakteriale ose kanë nevojë për mjekim. Në të shumtën e rasteve gjithçka për kurimin e dhimbjes së veshit e gjeni në shtëpinë tuaj.
Një mënyrë e mirë për të lehtësuar dhimbjen është vendosja e kompresave të ngrohta ose të ftohta afër veshit për 10 minuta me radhë. Kjo metodë është e këshillueshme edhe për fëmijë edhe për të rritur.
Bëni kujdes me pozicionin e gjumit.
Disa pozicione gjumi do ta përkeqësojnë dhimbjen tuaj, ndërsa disa të tjera do ta qetësojnë atë. Pozicioni perfekt në këtë situatë është mbajtja e veshit që dhemb në anën e sipërme përgjatë fjetjes në mënyrë që të mos bllokohet duke qenë në kontakt të drejtpërdrejtë me jastëkun.
Gjithashtu peroksidi i hidrogjenit është një metodë efikase për ndalimin e dhimbjes në mënyrë të menjëhershme.
Një rekomandim i mirë është edhe lëngu i preshit ose qumështi i gjirit.
Në momentin që keni dhimbje veshi, një gjë shumë e rëndësishme që duhet të keni parasysh, është të mos e mbani mendjen tek veshi që ju dhemb, pasi kjo bën që ta ndjeni edhe më tepër dhimbjen.
