Numëroni minutat e ditës së punës derisa të mund të vraponi tek makina juaj? Mund të jetë koha të vazhdoni të vraponi dhe të mos shikoni kurrë më prapa. Të gjithë e kemi përjetuar të paktën njëherë: Ajo puna zvarritëse që na heq energjinë, na heq ëndrrat dhe na bën të zgjohemi në mëngjes duke menduar nëse kjo është vërtet ajo për të cilën kemi lindur të bëjmë. Tek shumë prej nesh ekziston një ide “miliona dollarëshe” që digjet brenda nesh dhe çdo ditë që kalon duket më e paarritshme. Është një vendim vërtet i vështirë për të marrë midis largimit nga komoditeti i një pune të qëndrueshme dhe ndërtimit të diçkaje tënden. Po paga? Përfitimet? Vartësit?
Të gjitha këto lukse zhduken në minutën e dorëzimit të laptopit të kompanisë për herë të fundit.
Përkundrazi, një sondazh i kohëve të fundit me 2,500 njerëz, përfshirë 500 pronarë të bizneseve të vogla, të kryer në emër të Invoice2go zbuloi se 60% thanë se ishin më të përkushtuar ndaj idesë së të punuarit për veten e tyre sesa për një punëdhënës, duke përmendur interesin për të ndjekur pasionin e tyre (57% ), një besim se ata mund të sjellin dobi për të tjerët (53%) dhe një nevojë për të përcaktuar programin e tyre personal (52%).
Atëherë, si ta kuptoni nëse është koha të hidheni nga “anija”?
Përmbushja
Çdo sipërmarrës që ka filluar udhëtimin e tij pasi ka punuar në një kompani tjetër ka pasur këtë pyetje: “A jam duke jetuar në përputhje me potencialin tim?”
Përgjigja mund të jetë aq e thjeshtë sa një ndryshim i rolit, një zhvendosje në një karrierë të re dhe ndoshta, vetëm ndoshta … një shenjë që ka ardhur koha për të filluar udhëtimin tuaj.
Shëndeti
Nëse e gjeni veten të stresuar, të dëshpëruar dhe plot ankth? Trupi juaj do t’ju bëjë me dije. Këto simptoma mund të jenë rezultat i pakënaqësisë në vendin e punës. Shumë herë është aq e thjeshtë sa të vështruarit në pasqyrë. Cilin version të vetes tuaj doni më së shumti? Ju duhet të ktheheni në atë formë. Çdo ditë që ju qëndroni do të vazhdoni të dëmtoni shëndetin tuaj. Asnjë punë nuk i’a vlen përpara mirëqenies tuaj.
Motivimi
Nëse e keni të vështirë të motivoheni për të marrë pjesë, për të udhëhequr, për të arritur, etj. patjetër që ekziston një shkak kryesor. Jo gjithmonë duhet të ketë lidhje me punën. Mund të ketë lidhje me jetën tuaj personale. Sidoqoftë çdo ditë që kalon dhe ju nuk jepni gjithçka keni, përfundon duke qenë një ditë që do të dëshironit ta kthenit.
Realiteti
Ju duhet ta vlerësoni tërësisht situatën dhe të analizoni nëse ka vërtet kuptim të bëni një ndryshim karriere dhe / ose të filloni biznesin tuaj.
A keni kapital? A keni një plan dhe model të vërtetë biznesi që mund të paraqisni sot? A keni një ide për ekipin që dëshironi të ndërtoni ose keni nevojë për të ndërsa rriteni? Më e rëndësishmja, a ka vërtet kuptim?
Këto janë llojet e pyetjeve që duhet të jenë në mendjen tuaj vazhdimisht nëse vërtet po mendoni të filloni sipërmarrjen tuaj.
Të fillosh diçka të re nuk është kurrë një detyrë e lehtë.
Thjesht sigurohuni që të kontrolloni të gjitha gjërat thelbësore dhe fati juaj i sipërmarrjes do të shkruhet vetë. Kur të vijë dita që në të vërtetë po jetoni jetën që keni ëndërruar, ndani një moment nga koha juaj për të qenë mirënjohës që i keni dëgjuar shenjat në fillim.
