Ministria e Shëndetësisë flet për 19 persona të lënduar në protestën e opozitës përpara Kryeministrisë. Sipas burimeve zyrtare, janë nëntë punonjës të forcave të rendit, dy përfaqësues të medias dhe 8 protestues të cilët kanë marrë në kohë ndihmën mjekësore.
Fillimisht atyre iu është dhënë ndihma e parë nga ekipet e terrenit të urgjencës kombëtare mjekësore dhe më pas janë dërguar për mjekim të mëtejshëm në 3 spitalet universitare të Tiranës.
Pasi kanë marrë trajtimin mjekësor, aktualisht 19 personat e lënduar gjatë protestës së sotme, kanë lënë spitalin dhe janë në gjendje të mirë shëndetësore.
