Kanë vdekur së paku dhjetë persona dhe nëntë të tjerë janë lënduar kur një autobus pasagjerësh është përfshirë nga zjarri në jug të Pakistanit.
Aksidenti ka ndodhur natën në qytetin Noori Abad, rreth 100 kilometra në verlindje të Karachit.
“Së paku dhjetë persona kanë vdekur. Shtatë nga trupat janë djegur aq shumë saqë, as nuk mund të ideentifikohen”, ka thënë zyrtari policor, Naeem Shaikh.
Ndërkohë që ka shtuar se rri gra, dy fëmijë dhe katër persona të tjerë janë plagosur ndërsa tre pasagjerë kanë shpëtuar pa lëndime.
E sipas informacioneve të para, autobusi ishte i mbingarkuar.
Në Pakistan, incidentet e tilla janë të shpeshta për shkak të rrugëve të këqija dhe mosmirëmbajtjes së automjeteve.
Muajin e kaluar 62 persona, në mesin e të cilëve gra dhe fëmijë, kanë humbur jetën në pjesën jugore të Pakistanit ngase autobusi me të cilin po udhëtonin ata, ishte përplasur me një kamion cisternë me ç’rast ishte përhapur një zjarr i madh./infoglobi
