11.1 C
Pristina
Friday, March 1, 2024

Sizmologu zviceran: Tërmeti në Turqi, më i fuqishmi në mbi 100 vjet

Më të lexuarat

Pse tërmete kaq të mëdha janë të rralla?

Zona midis Turqisë dhe Sirisë nuk ka përjetuar një tërmet kaq të madh sa ai që goditi të hënën herët në mëngjes në provincën turke të Kahramanmarasit për më shumë se 100 vjet, vuri në dukje drejtori i Shërbimit Sizmologjik Zviceran.

Stefan Wiemer foli të enjten për kanalin televiziv zviceran SRF, i cili transmeton në gjermanisht, për tërmetet e së hënës me magnitudë 7.7 dhe 7.6 ballë që prekën 10 provinca në Turqinë jugore.

Të paktën 17,674 njerëz u vranë dhe 72,879 të tjerë u plagosën nga dy tërmetet e forta në Turqi, tha të enjten zëvendëspresidenti Fuat Oktay.

Wiemer tha se nuk është rastësi që tërmete të forta ndodhin shpesh midis këtyre dy vendeve.

Në rajon ka kufij me pllaka, tha ai, duke shtuar se për shumë vite ka pasur tensione në këto zona dhe janë shkarkuar nga tërmetet.

“Këtu është shkarja e Anadollit Lindor, ku tensionet akumulohen dhe kullojnë, veçanërisht me tërmetin 7.7 ballë. Një tërmet kaq i madh është vërtet i rrallë”, tha ai.

Një tërmet me magnitudë 8 ndodh ndoshta një herë në vit në botë, shtoi ai.

Duke dhënë një shembull nga historia, ai tha se Alepo është tronditur shumë herë nga tërmete të mëdha, duke shtuar megjithatë se një tërmet me magnitudë 7.7 është tashmë një tërmet i madh.

Duke vënë në dukje se ka pasgoditje për ditë, javë dhe madje edhe muaj pas tërmeteve kaq të mëdha, Wiemer tha se këto në përgjithësi ulen në numër dhe intensitet me kalimin e kohës. /Tesheshi.com/

- Advertisement -spot_img

Më tepër

Të fundit