Miliarderi suedez Roger Akelius, përmes Akelius Foundation, ka njoftuar një donacion prej 800 milionë koronash suedeze (rreth 76 milionë dollarë) për ndërtimin e 400 shkollave në Gaza.
Projekti do të realizohet në bashkëpunim me UNICEF dhe synon t’u rikthejë qindra mijëra fëmijëve palestinezë mundësinë për të vazhduar shkollimin, pasi pjesa dërrmuese e shkollave në Gaza janë dëmtuar ose shkatërruar nga lufta.
Përveç ndërtimit të shkollave, fondet do të mbulojnë edhe pagat e mësuesve, furnizimin me materiale mësimore dhe ushqim për nxënësit gjatë pesë viteve të para.
Në deklaratën e tij, Akelius tha se askush nuk mund të mbetet indiferent përballë vuajtjeve të fëmijëve dhe se arsimi është investimi më i rëndësishëm për të ardhmen e tyre.
Ky konsiderohet një nga donacionet private më të mëdha të bëra ndonjëherë për arsimin e fëmijëve në Gaza dhe një shpresë e re për një brez që është rritur nën hijen e luftës.
i.a.
